江碧蕙婚前驚喜被囝囝冧爆
香港首位華人女騎師江碧蕙（Sherie）將於本月21日與法籍網球教練Jerome結婚，令Sherie驚喜萬分是與前夫李格力所生的兩子特意從法國回港出席婚禮，更因囝囝的一句說話：「最緊要你開心，我哋就開心。」令她十分感動。
江碧蕙與拍拖半年的網球教練Jerome將於本月21日在香港鄉村俱樂部拉埋天窗，筵開十席。她與前夫所生的兩位分別15及12歲的兒子，會從法國回港出席婚禮，令Sherie十分感動，她說：「我之前話帶Jerome見囝囝，大仔話唔使咁快，我肯定咗先，我話會結婚，佢問我諗清楚未，係都等兩年，唔好咁快結，一陣又離婚點算。個仔咁講令我好surprise，我媽都冇同我講呢番說話，最後佢話最緊要你開心，我哋就開心，呢句已經好夠，好touching！」
一切從簡
Sherie透露婚禮一切從簡，只穿兩件婚紗、一條長裙，未婚夫負責揀歌及愛的宣言，好友吳國敬會唱歌助興。騎師出身的她，與馬很有淵源，因此婚紗照也特別選址騎術中心，Sherie更坐上馬匹拍照，兩名兒子亦有參與拍攝，令這輯婚紗照倍添意義！此外，Sherie日前帶同媽媽去試婚紗，穿上婚紗的她一臉幸福，又不時自拍與媽媽研究，流露待嫁喜悅！
文：名人組
化妝：Gaby@gaby makeup
服裝：Kir Royal
場地：國際騎術中心