家人購1,400萬新居 惠英紅：買得起咪買

惠英紅昨日陪家人揀樓，成功買下心頭好。

家住將軍澳區的英皇藝人惠英紅，前日首輪向隅，昨日成功揀選心儀單位，以逾1,400萬元購入一個886呎的3房單位，被問到樓價高企，她說：「有需要同買得起咪買，冇乜點理，有住屋需要。」記者昨日恭喜她再做業主，她說：「多謝大家戥我咁高興，不過我要澄清，嗰個單位唔係我嘅，係我屋企人買，我陪去畀吓意見咋！（想換居住環境？）我搬唔搬過去係私隱，點話得畀你知呢？咁我屋企人買樓，都唔代表會同我一齊住啫！」

周秀娜睇唔啱

至於忙於拍戲的周秀娜，前日亦頭戴Cap帽，獨自混入買家群中「揀樓」，隨即被眼利途人認出。有指周秀娜睇中一個叫價約800萬的兩房單位，打算購入作投資之用，記者昨日向她求證，她透過助手簡短回覆﹕「我一直有興趣喺物業投資方面，每逢有新樓盤都會去睇吓，但今次未有心水！」

向來是影壇搶手貨的惠英紅，買磚頭自然冇難度！

愛買樓投資的周秀娜，到新盤「巡視」搵商機。