楊愛瑾 車婉婉Ready入院

Miki帶定iPad入院，屆時可以播音樂紓緩緊張心情。

首度懷孕的Miki表示老公已摸熟往醫院的路線，問到如在街上作動如何處理？Miki說：「打去醫院問情況，睇護士畀咩建議我，如有時間就返屋企攞走佬袋，再梳洗吓先入院。（袋入面有咩？）睡衣、BB衫、出院衫、牙刷、牙膏、iPad等，不過未執好晒，欠啲日常用品未擺。」

而將做媽媽的車婉婉，則透露現時定期返醫院做產檢，早已對去醫院的路線瞭如指掌：「知道車程要幾耐，依家老公同朋友都唔畀我單獨走嚟走去，成日Check住我行蹤。（執好走佬袋未？）未呀，不過啲朋友已經叫我執定。」

蘇永康太太Anita早前腹大便便出席好友飯局。

車婉婉手執籃球與巨肚作比較。