賈思樂一王六后得番一晚抖

陳松伶被賈思樂踢爆要求邊唱邊跳。

陳松伶要求多多

賈思樂笑指記者會似結婚，他說：「有六個老婆，真係分身不暇，得番星期日休息。（六個老婆有冇爭寵？）冇呀，知我好錫佢哋。」貪靚的他透露近日為個唱跑步練氣，並踢爆專程由北京返港出席記者會的陳松伶，要求與他邊唱邊跳，賈思樂說：「真係有少少後悔搵佢做嘉賓。」

黎瑞恩筋骨似命硬

而黎瑞恩自爆早前同朋友打賭：「如果我三個月減廿磅就請我去旅行，點知我第四日已經放棄咗，之後朋友再開新盤，話三個月減10磅，嬲嬲哋，依家要地獄式絕食。」身旁的王馨平自薦免費教她做瑜伽減肥，搞笑的黎瑞恩笑指自己筋骨硬：「好硬，同我條命一樣。」而性感示人的羅敏莊坦言試身當日老公亦在場，她說：「佢冇乜嘢，已經黐晒膠紙，不過冇乜嘢跌，唔好影響市容。」

王馨平大露背上陣。

（左起）：黎瑞恩、王馨平、陳松伶、賈思樂、韋綺姍、李樂詩、羅敏莊 賈思樂入行40周年演唱會，請來6位好友做嘉賓。

文：音樂組

攝：鄭家俊