何倍倩12年冇交嗌孖老公再渡蜜月
名媛恒生新抱何倍倩（Anina）今年生日收到一份很特別的生日禮物，就是老公送上一趟歐洲浪漫旅程，兩人拍拖重返12年前度蜜月的地方，Anina分享與老公感情保鮮方法，原來是事事以對方為先。
何倍倩與恒生銀行後人何乃斌結婚12年，感情如昔，本月25日是Anina的生日，老公特別安排為期三周的歐洲旅行，拍拖過二人世界，她說：「去咗好多地方，包括米蘭、巴塞隆拿、摩納哥和巴黎，第一次去巴塞隆拿好開心，因為嗰度嘅建築真係好靚，仲見到好多建築大師安東尼．高迪（Antoni Gaudi）嘅作品，主要睇佢嘅設計已經好滿足。今次又食咗好多餐分子料理，其中一餐喺米蘭一間由廢棄工廠改建而成嘅餐廳食，好得意，工廠由藝術設計師重新包裝過，雖然喺廢置工廠入面食嘢，但入面好有藝術元素，其實好靚。」
拒再生B
米蘭是Anina與老公當年結婚時度蜜月的地方，此行另一目的地，就是要重溫美食：「我哋指定要去Bice餐廳，一定要去，其實係12年前度蜜月時去過，嚟親歐洲都好鍾意食呢間，每次嚟米蘭都會食番次，好似緬懷番以前。」老公送如此有心思的生日禮物，問會否給老公送多一個BB？Anina說：「再生就嚇死我。（同老公感情點樣保鮮？）我哋好少鬧交，時常為對方諗，佢乜都諗我先，我又乜都諗佢先。」
文：名人組