黎曉靈英倫取經開內衣店

時尚名媛黎曉靈(Kimmy)有意與韓國藝人兼閨密韓藝瑟開內衣店,日前Kimmy到英國皇室御用內衣品牌掃了六萬多元貨,並順道為開店取經。Kimmy表示:「韓藝瑟本身有一個皮草品牌,girl's talk(口既)時候,我哋講過想一齊創辦屬於自己(口既)內衣品牌,內衣係貼身物,女性對呢方面要求特別高,除款式之外都要有功能性,所以今次我就趁機觀摩呢間英國皇室御用內衣店。(向高層取經?)佢哋好好,有教我關於開內衣店(口既)竅門,同埋點樣開拓內地同其他亞洲市場。(花咗幾多錢掃貨?)6萬幾,買咗好多靚泳衣同睡衣送畀姊妹。」

提到韓藝瑟與Big Bang的專屬製作人Teddy於上年年尾分手,問Kimmy有否抽空陪好友散心?她說:「我哋都係基督徒,會藉信仰渡過難關,之前我有去美國陪咗佢一陣,佢已經回復狀態,都有對舊愛送上祝福。」