鄺潔楹甘做醜女搵秋生拍劇

無綫娛樂新聞台主播鄺潔楹（Judy）因拍節目《3日2夜》而被封為「仙氣女神」，由主播轉戰節目主持的她，坦言不習慣面對外界評論：「我明白冇可能令所有人鍾意你，有啲人話我咬字唔清晰，正同負面都會接受，咁先可以進步。」

旅遊節目唔輕鬆

提到另一主持黃文意（Mandy）同樣飛往台灣拍攝，對方更擁驕人身材，問到會否介意被觀眾作比較？她認為各有優點：「對於觀眾一定有比較，佢係好有身材嘅人，行嘅路線唔同。我可能行可愛、好動嘅路線，一個台有唔同演員畀大家睇。」

首次拍旅遊節目的Judy，坦言一試難忘，望再參與同類型工作：「最驚訝係可以畀我做番自己，有啲人笑我好低B，有啲好聽就話我幾自然、唔做作。以前睇旅遊節目覺得好正，畀晒錢你去玩，寓工作於娛樂。但其實第一日係最辛苦，一個shot拍完可能要NG，拍食嘅又可能要食好多次，不過之後嘅滿足感開心多過辛苦。」

首次拍旅遊節目的鄺潔楹，坦言一試愛上。	黃秋生	鄺潔楹直言不慣面對外界評論，但亦會接受負評。

自覺喜劇細胞重

除主持工作，她直言想嘗試演戲：「其實報道出咗之後，都有人打畀我經理人問試唔試吓拍劇，自己都想試吓演戲嘅挑戰。」她自言喜劇細胞重，不介意演大癲大肺，甚至醜女角色。至於希望跟哪位藝人合作？她謙虛表示：「好多，當然任何一個前輩都係榮幸。講到最想一定係黃秋生，見過佢一次，氣場懾人！好想喺佢身上學到嘢，聽好多藝人講秋生哥好肯教人。」

文：專案組