邱美薇怕冷親唔沖凍水涼

藝人邱美薇(Chelffy)早前與義工團隊到雲南彝良縣蕎山鎮探訪山區學校及村民,她大讚當地小朋友很關心身邊人:「我喺學校一個人行嘅時候,佢哋會行過嚟陪我傾偈,當我喺操場企得耐又會主動搬櫈畀我坐。」去年她在當地用凍水沖涼,但今次她則不敢:「今年比上年凍,熱水爐喉管都因為落雪凍爆咗而冇熱水供應,所以唔敢沖涼,費事冷親。」

探訪完畢,他們在昆明機場準備返港時,Chelffy突然暈倒,事後她表示沒有大礙:「有機場醫護人員即時為我治療同量血壓,證實血糖過低,但好彩及時清醒,唔使送院,可以上機回港。」她解釋可能舟車勞頓少休息,而且山上及城市溫差太大,身體未能及時適應。