崔碧珈火辣睡衣氹觀眾上床
藝人孫佳君身穿性感睡衣為新節目錄影，騷胸之餘更大騷長腿！同場的主持人崔碧珈亦不遑多讓，低胸睡衣輕輕一烏身拋胸，笑言希望讓觀眾上床瞓個好覺！
藝人孫佳君昨日以嘉賓身份為ViuTV節目《晚吹－捲上你的床》錄影，穿上性感睡衣亮相騷胸又騷長腿，魅力依然！同場的主持人崔碧珈亦不輸蝕，以低胸睡衣上陣露出三吋「事業線」，期間輕輕烏身拋胸兼請火火食「波餅」，平分春色。
享受異地戀 唔使見到厭
談到異地戀主題時，孫佳君直言Enjoy，因與另一半不用日日見：「成日見會厭(口架)！隔一排唔見，嗰種掛住對方嘅感覺先最正，好Enjoy呢啲感覺。（擔心對方偷食？）就算日日見都會偷食啦！（親身經歷？）對方偷食一定試過。（即刻斬纜？）我會罰佢。（罰咩？）可能罰佢帶我去旅行，又可以多啲時間修補關係。我反而鍾意一個月見一、兩個星期，可以專心陪對方。」她又表示最近忙於拍攝一部葡國電影，4月更會接拍新戲：「係一部香港電影，可以同我偶像合作，但依家唔透露得住」。
與火火、余逸思擔任節目主持的崔碧珈，被問到會否每集均以性感睡衣上陣？她說：「都唔算太性感！因為節目喺11點半播，所以當同觀眾講晚安，瞓個好覺。」談到今次與舊拍檔火火再合作做主持，她表示甚有安全感：「今次都幾好玩，同火火一齊做主持，大家合作開心。」
文：專案組