欣宜法國爭女配未贏喊定先

鄭欣宜（Joyce）、周秀娜（Chrissie）主演新戲《29+1》，於昨日公布的法國尼斯國際影展入圍名單中，獲得四項獎項提名，包括最佳外語劇情片、最佳導演（外語劇情片）、最佳原創劇本（外語劇情片），而欣宜更是首次獲提名最佳女配角（外語劇情片），可喜可賀！欣宜得知消息後，即激動到喊出嚟：「係癲咗，喊到眼腫晒！我從來都對自己演戲冇信心，喺拍攝時好質疑自己會唔會影衰個角色，但導演喺拍攝過程畀我信心，今次提名真係一支非常大嘅強心針，多謝彭秀慧導演同蕭定一畀呢個機會我嘗試，你哋搵我好大膽呀！」對於電影有四項提名，Chrissie既開心又感動：「好興奮，恭喜導演同Joyce。」