歌手糖妹（黃山怡）、王若琪及陳詩欣，前晚出席國際唱片業協會晚宴。將到內地拍飲食節目的糖妹，自爆曾有鄰居請飲兔仔湯：「細個對面婆婆屋企飲湯，佢話係兔仔湯，我即刻喊同冇飲。」身旁的若琪透露去年因照顧病母停工，令積蓄所剩無幾：「真係要拋個身出嚟做，呼籲各大客戶可以搵我做嘢。（出席飯局？）淨係食飯可以。」
而陳詩欣提到閨密余香凝，日前炒車險破相一事：「嚇死我，發生時同佢電話訊息緊，佢突然消失咗十分鐘，之後傳咗張自拍相話撞車。佢依家有搭車陰影，希望佢可以出席金像獎，睇好佢攞獎。」
