嘉玲恭喜之之：順番條氣

劉嘉玲因與關之琳前夫陳泰銘行山而觸怒對方，事後二人同場出活動，被問到會否尷尬，之之毫不客氣指摘嘉玲應該要尷尬多點，火藥味濃。昨晚兩人再度碰頭，前後腳相隔五分鐘現身外，更被大會安排同坐主家席。

放下舊日恩怨

之之被問到與嘉玲同場會否尷尬？她明顯態度軟化謂：「順其自然。（嘉玲話做番朋友要睇你？）順其自然，將來件事點都會淡化，最緊要舒服，都兩年啦，我都放低咗。（主動傾偈？）睇座位分配。（合照？）睇吓，唔會刻意，特登好肉酸。」問到二人是否還有心病？她想一想表示不欲多談。提到早前為睡衣品牌拍攝性感照，之之表示當日在巴黎即興拍攝，還有更性感的睡衣但不敢試。問到是否因感情失意，而事業得意？她謂兩者只會愈來愈順，但否認與周覓的緋聞。

關之琳表示唔會刻意與嘉玲合照，但對過往恩怨已放下。	剛返港的諸葛紫岐仍未適應時差。	早前因腳患要以輪椅代步的鄺美雲健步如飛，傷勢似乎已痊愈。

見面唔尷尬

而先進場參加儀式再出來受訪的嘉玲，神態自若表示未於場內見到之之，問到兩人同枱會否尷尬？嘉玲表示：「唔會嘞，咁大個人。（之之話已放下？）咁咪好囉，恭喜佢。（有好友做和事老？）唔好將件事化大，唔好撩是鬥非。（大家唔清楚內容？）其實我都唔係好知，你哋應該知得多過我，唔好夾硬整到有嘢咁！（之之話件事淡化咗？）其實冇事，我哋呢啲age，最緊要健康快樂，順番條氣啦，自在啲！」問到會否幫襯之之的睡衣？她指有合適都OK，自己亦有做時裝，問到可會與之之crossover合作？她說：「crossover好遠喎，其實女仔都鍾意講時裝、化妝。（有共同話題可以傾番偈？）我同你都可以傾o架！」

蔡志明、蔡李惠莉

蔡加讚、汪圓圓

而同場更有名媛諸葛紫岐、玩具大王蔡志明與太太蔡李惠莉及兒子蔡加讚出席。單拖示人的諸葛紫岐，透露老公去了公幹，自己剛從外地返港，十分想念囝囝。

文：名人組