祝福「巨胸翠如」沙律：梗係拍拖啦！
「巨胸翠如」鄧月平（Larine）與杜恒霖（Bryan）撻着同居，曾與Larine參選Viu TV節目《美選D.n.A》的一班女仔，包括陳意嵐、羅伊婷、鄭家雯和張佩樂（沙律）各有表態，但都祝願兩人幸福快樂。
沙律說：「唔清楚佢感情私事，但睇片就覺得佢哋梗係拍拖啦，開心就得！（擔心Larine被指係小三？）Larine決定咗呢件事，佢都唔擔心，我都唔會擔心，希望佢幸福！」而鄭家雯表示不清楚二人是否拍拖，但讚兩人合襯：「之前Larine有講過Bryan係佢經理人，不過如果真係拍出火花都幾襯，我做體育台主持嘅時候有訪問過Bryan，幾有禮貌又聰明。（Bryan結過婚，可擔心Larine被指做小三？）離婚係雙方嘅事，未必一定關其他人事嘅，希望佢唔係做小三啦！」
至於陳意嵐則說：「作為外人除咗祝福，都冇咩好講！」而在《美》中奪冠的羅伊婷說：「如果係真愛，祝佢哋幸福快樂！」