玄學星相：森美食住廣播道運勢

《玄學星相》走出錄影廠，四圍發掘香港不同地方的風水奧秘，今集就請來張芯熏師傅去到九龍塘，解構這個不少明星藝人進駐的風水福地！張芯熏師傅說：「以前有個風水大師嚟到香港尋龍點穴，發覺呢度係好靚嘅風水福地，於是佢就喺呢度點咗九條龍脈嘅位置。九龍塘就係其中一個龍脈所到之處，所以呢度出好多名人同達官貴人。」

來到九龍塘當然要去廣播道，當年廣播道有「五台山」之稱，師傅指當年傳媒在這裏發展蓬勃，原因同地運有關：「當年咁蓬勃，數番轉頭其實由1984年至2003年就行緊七運，七運入面其實係代表『兌卦』，『兌卦』當然用把口去講嘢啦。」

藝人森美亦住在廣播道一帶，師傅話廣播道風水好特別，對森美的運程都有所影響：「其實成條廣播道，不停由斜咁樣急彎上，斜路喺風水上面係犯緊一個大忌。因為過斜過急嘅水流會容易大起大落，好嘅時候非常之好，差嘅時候都會比人差啲。」

前港姐陳凱琳都是住在九龍塘，師傅話呢度有助佢星途：「由於呢度受到兩個山勢（筆架山、獅子山）嘅影響，會幫到名聲。尤其是筆架山，似一個筆架，係講緊名聲嘅嘢，代表名譽、地位各樣嘢。明星嚟呢度住其實有好處o架！」想繼續聽師傅點講？Click入東網巨星睇《玄學星相》就更啱Feel！

Link：https://goo.gl/nBB3zj

文：專案組