阿Sa唱到返鄉下高呼「你大碌藕」
【林惠珊廣州直擊】組合Twins將展開內地巡唱，演出其中一站會是蔡卓妍（阿Sa）的鄉下東莞，期間阿Sa更大晒鄉下話講「你大碌藕」，即「你發達」的意思，十分搞笑！有歌迷希望她們多唱side track，她們即提議稍後開個非主打歌演唱會。
組合Twins昨日到廣州出席《#TWINS#LOL#世界巡迴演唱會#2017》記者會，獲一班粉絲、蔡卓妍爸爸等到場支持。她們在台上表示四月開始會在福州、重慶、東莞、廣州等地舉行巡唱，其中東莞是阿Sa故鄉，她表示到時要預備很多飛派給親朋戚友，期間又大晒鄉下話：「阿爺話『你大碌藕』，即係你發達啦，阿嫲話『黑埋田地』即係天地好黑，就嚟落雨。」講到廣州站將於5月20日舉行，問到她們520（我愛你）特別日子想跟誰過？她們即謂：「同台上嗰個（指對方）同埋歌迷過。」
期間台上播出一些她們多年來跟歌迷的合照，阿Sa睇完笑說：「阿嬌話睇到啲相覺得我哋全部都一樣樣，只係換咗衫。」鍾欣潼（阿嬌）笑言：「我哋係逆生長。」期間有歌迷叫她們倣效容祖兒開side track演唱會，並大叫一些想她們唱的歌，阿Sa即謂：「不如遲啲開個非主打歌演唱會，等我聲帶好番啲先。」歌迷即刻尖叫，最後兩女合卺交杯。
設計演唱會T恤
訪問中她們透露稍後的廣州站是巡唱中除香港外，內地站首次有四面台，會把香港的舞台設計搬過去，內容會有少許不同。講到服裝，阿Sa謂想投資做有演唱會主題的T恤，阿嬌亦謂自己設計會較好，起碼自己喜歡及會穿。
以香港為終站
兩人又透露巡唱想以香港作為終站：「一路構思緊。（想幾時開？）完晒巡唱先，有啲場地仲傾緊，呢個巡唱唔知幾時完。」講到阿嬌之前牙痛、腰痛及整傷膝頭，她謂：「膝頭恢復得咁上下，傷口太深，懷疑差唔多掂骨，依家唔痛，開始結焦。（傷患影響排舞？）冇影響，因為一直都係咁，盡力啦。」
文：音樂組