欣宜用生命煲劇

鄭欣宜昨日到銅鑼灣出席活動，坦言非常期待在點播平台重溫去年的演唱會，又表示愛看懸疑片與笑片。問到有否看亡母沈殿霞主演的電影《富貴逼人》？她稱當然有。欣宜又自爆愛煲劇：「啱啱借咗《金枝慾孽》，睇到唔瞓覺，用生命煲劇。（覺得咩好睇？）劇本、演技、人靚，好似真係去紫禁城拍！」最近愛戴假髮的她更為假髮改名做「宜妃娘娘」，至於會否拍古裝片，她自嘲中文水平不好，但有機會也想試。