吳卓羲新片 摧毀200架車

藝人吳卓羲、姜皓文、石修與蔡瀚億等昨日出席國際影視展宣傳新戲《拆彈專家》,與導演邱禮濤一起公開電影製作特輯,介紹戲中像真度極高的「紅隧」布景是如何用兩個月搭建而成。會上,邱禮濤笑言1.8億的製作費「好貴」:「前前後後都摧毀咗差唔多200架車!」

提到飾演休班警員的蔡瀚億在戲中被匪徒挾持,不但需要綁上大量炸彈,最後更壯烈犧牲,他坦言接到劇本時已經開始緊張:「場戲好震撼!仲要條隧道好真,入去都好緊張,拍完場戲真係『Gur』咗口氣出嚟!」