陳瀅自爆畀周柏豪呃

昨日是白色情人節，藝人陳瀅出席活動時竟表示想約人夫周柏豪，她笑說：「成日話搵我做佢MV女主角，呃咗我五年，所以今晚想約佢傾，我想收嘅白色情人節禮物係做演唱會嘉賓。」問到白色情人節會否令她想起舊愛何猷亨，單身一年的她直言不心急拍拖，至於有否與舊愛聯絡，她說：「唔多，（佢入澳博工作搏殺，鼓勵吓佢？）我都搏殺緊，大家各自搏啦！」而同場還有混血模特兒瑞瑪席丹（Rima），她即場演繹親自作的歌曲，問到有否請教前緋聞男友吳克羣，她即說：「仲講？我有四、五年冇聯絡佢。（依家有冇男友？ ）未有，但有個識咗好耐嘅外國男仔，我都想快啲結婚生小朋友。（如果結婚要嫁去外國？）ok呀，好難遠距離戀愛。」