Rosemary咬唇飛釘誘老公返家造人

35歲混血名模Rosemary於2015年底與拍拖5年的印裔富商Jason拉埋天窗，結婚已1年多，好友貝安琪後來居上未婚懷孕，並已搶閘生B做媽媽，但Rosemary仍未有好消息。早前出席活動被問起造人計劃，她直言因為和老公經常分開周圍飛，難有機會見面造人。

懶理途人

日前兩公婆終於齊齊回港，與老公分隔多時的Rosemary無懼寒風穿上低胸花花薄絲長裙，翹實老公現身大坑，雙峰飛釘凸點，相當性感誘人。身為名模的她懶理途人眼甘甘，風騷地與老公邊行邊傾，期間更使出咬唇甜笑冧功，老公明顯被電到暈得一陣陣，不時回望嬌妻。

搵食冇下文

Rosemary與老公沿路搵食，經過多間食肆都停下腳步望一望餐牌，但日本菜、西餐全部唔合胃口，兩人行到暗角位又再頭貼頭咬耳仔，其後未有用膳便急急取回座駕，飛車回家享受甜蜜時光。

飛釘的Rosemary翹實老公，更咬唇施冧功電對方。	Rosemary同老公少時間見面造人。	兩人飯都未食就返家享受甜蜜時光。

文、攝：追蹤組