「紅衫魚」蘇韻姿下顎驚現瘤腫

港姐蘇韻姿（Andrea）憑爽朗個性與「心形胸」的驕人身材脫穎而出，參選後隨即受重用，獲安排加入劇組在無綫處境劇《愛．回家之開心速遞》飾演「紅衫魚」一角，與呂慧儀有不少對手戲，而新劇《老表，畢業喇！》亦將有她的戲份。

極速變大

Andrea在劇集《開心速遞》的表現獲觀眾欣賞，但有眼利劇迷發現她右頸近顎骨位置，有一個大如乒乓波的瘤，隔幾集後腫瘤更明顯變大。Andrea接受訪問時直認頸上長腫瘤，為此向劇組請假接受手術，她說：「之前選美時已經有，開頭以為唔夠瞓壓力大，所以淋巴腫咗好平常，點知選完之後冇消腫，但唔太嚴重就冇留意，其後突然大得好快，當時好擔心即刻搵醫生檢查，醫生建議做手術，公司配合到放兩星期假，去咗做手術，切除驗過冇問題。」

有眼利劇迷留意到蘇韻姿右下顎有粒瘤，隔幾集後腫瘤更明顯變大。

蘇韻姿指選港姐時已長腫瘤，當時情況不嚴重未有理會。

感謝身邊人支持

Andrea透露今日會回歸劇組，手術後康復進度良好，惟傷口仍有點紅腫，但相信不會影響拍攝工作。經歷此事後，Andrea感謝身邊人支持，她說：「同事、朋友都好take care我，同屆港姐港男都好錫我，媽咪更飛嚟香港照顧我，手術順利，已經冇晒事喇！」

文：影視組