張智霖地獄式減磅振夫綱！

「中國3D數碼娛樂」昨日於香港國際影視展舉行活動，推介本年度推出及發行的電影，包括《29+1》、《西謊極樂之太爆太子太空艙》、《閨蜜2之單挑越南黑幫》、《棟篤特工》及《常在你左右》等五部作品，張智霖（Chilam）、佘詩曼、周秀娜（Chrissie）、鄭欣宜、連詩雅及周柏豪等出席。
張智霖誓要減肥成功，唔想衰畀老婆靚靚睇！
張智霖誓要減肥成功，唔想衰畀老婆靚靚睇！

欣宜胸贏周秀娜

有份參與《常》片的Chilam透露為角色特別減肥廿磅：「經歷咗聖誕同新年大日子，依家再唔瘦就要轉型，要積極做運動減肥同節食，仲搵埋魔鬼教練，我係實力派嚟嘅！（太太袁詠儀有冇取笑你？）佢不斷打擊我！講埋啲衰嘢，仲有啲嘴臉，所以我要瘦成一道閃電咁，做最瘦嘅藝人，最好就減到15磅，但依家只係減咗2磅。」

至於有兩片在手的阿佘透露正與「笑匠」黃子華拍攝《棟篤特工》，指對方於片中有很多造型：「見面時好想『舂』佢！」同片的鄧月平自爆與子華有Kiss戲，阿佘忍不住問她給了子華多少錢！

周秀娜（右）與欣宜正面交「峰」，輸凸！<br>欣宜：「我都可以「凳凳」吓！」（設計對白）
  • 周秀娜（右）與欣宜正面交「峰」，輸凸！
    欣宜：「我都可以「凳凳」吓！」（設計對白）
佘詩曼忙於與黃子華拍攝《棟篤特工》。
  • 佘詩曼忙於與黃子華拍攝《棟篤特工》。
鄧月平與蘇麗珊打扮夠青春。
  • 鄧月平與蘇麗珊打扮夠青春。
老闆蕭定一在台上與藝人祝酒。
  • 老闆蕭定一在台上與藝人祝酒。

另外，穿上低胸透視裙的欣宜非常跌蕩，輕易撼贏同樣低胸的Chrissie！Chrissie也笑言不敢望欣宜，搞到對方一臉得戚說：「假假哋喺《西》片第一次做女主角，梗係要端莊啲，我肥嘛！係咪都『凳凳』吓啦！」