何猷君瞓機場 呻不公平對待

賭王何鴻燊四房兒子何猷君要瞓機場？昨晚九時許猷君在微博發文，表示對某航空公司不滿！事緣他本來和創業拍檔飛抵上海，但入境前其拍檔發現因遺留護照在機上未能入境，猷君指求助時航空公司「愛理不理，態度極差」，他留言：「因為經濟艙？我們不得不在機場座椅等一夜......直到機場某位管理人員認出我，原被告知丟失需要返回香港補辦的護照10分鐘內找到了！可悲，致每一個不被公平對待的我們。」猷君昨晚接受本報電話訪問，對於因被認出是賭王兒子後，拍檔的護照迅速被尋回，他坦言不開心：「最唔開心係佢哋冇一視同仁。我同拍檔喺機場逗留咗七、八個鐘，期間多次打畀航空公司，一直冇人聽，拖咗兩個鐘先聽，但覆搵唔到，叫佢哋再搵都唔肯！直至現場有職員認出我，佢即時打電話，十分鐘後就話搵到護照！」