岑日珈咳血唔知驚
歌手岑日珈（Angie）昨日在社交網上載一張染血的紙巾，聲稱一早起身就咳出血，昨日記者致電Angie查問，她說：「可能呢排天氣乾燥，之前自己食道潰瘍，喉嚨有啲唔舒服，可能係喉嚨損啫，冇乜事嘅。」Angie承認近日身體不適，有點頭暈，更試過呼吸困難：「我都諗住入院檢查吓，不過後來又側側膊唔想去睇。（咳血可大可小，你唔驚o架？）少少啦，只係咳咗一次有血啫，不過日內都會去醫院檢查吓穩陣啲。」
記者聯絡利知行醫生，他表示咳血有很多原因，應立即找家庭醫生檢查，不排除是口腔、食道等內裏有痱滋、血疱、或飲過酒嘔吐令食道受損等。但若持續吐出鮮血就比較嚴重，需立即找醫生醫治，或需要照肺、驗痰等。