黎明講「急口令」夠晒盡責

天王黎明昨日以大使身份出席「香港影視娛樂博覽2017啟動儀式」，便裝打扮的他在台上接受司儀宋熙年訪問，被問到早前他錄製的一段「急口令」宣傳片成為熱話，他說：「係影視博覽一班同事開會諗出嚟嘅，因為有好多資訊表達唔晒，好多團隊同部門嘅名字都要提及，加上有時限所以好盡責咁喺30秒之內講晒出嚟。」黎明在台上逗留約一分半鐘便離開。另外，導演唐季禮出席電影論壇時，透露今年會開拍商業動作片，對於中國電影市場展望，他表示合拍片可以令中國出產人才。