鍾鎮濤率「少年溫拿」谷戲 青雲開工險「象」環生
由陳友執導、以溫拿樂隊做藍本的新片，在灣仔香港國際影視展進行宣傳，陳友、鍾鎮濤、彭健新及葉智強，率領扮演少年溫拿的陳家樂、吳鶴謙、林耀聲、鄧加樂及于湉站台，「大小溫拿」與飾演陳百祥的王梓軒，在台上Jam歌，陳友說：「譚詠麟身在歐洲未能出席，戲入面有好多溫拿秘密，例如譚詠麟失戀後去咗新加坡嘅故事，想睇秘密，要留意！」
此外，劉青雲宣傳與象合作的新片：「今次同四隻大象一隻小象合作，小象最大脾氣，好記性又有情緒，餵過佢一次冇餵，會用象鼻提你，有場戲講隻象蹲低身，我要撐住象牙，馴象師事後講隻象當時有啲情緒，隻象係知道我哋做緊乜，一直忍緊我哋，如果佢發嬲，一定會出事！」
