簡淑兒拍鬼片夠邪 被Cut剩一句對白
藝人簡淑兒（Jessica）及許雅婷昨日到灣仔出席香港國際影視展，宣傳有份演出的靈異新片，Jessica說：「導演話我對眼邪，有戲拍我唔介意咁講，今次我原本好多對白，最後刪剩一句，唔可以劇透，大家入場睇啦！」
而許雅婷透露戲中與麥子樂有親熱戲，她說：「我着住普通背心，佢赤裸上身，佢好大隻，但又好怕醜，又大隻又怕醜嘅男仔都幾好呀！」同場以影視娛樂製作有限公司香港區執行董事身份出席的夏雨說：「公司會發掘更多新導演，我希望為香港電影做啲嘢！（兼顧幕前幕後好忙？）係非常忙，但我最最最賺錢係幕前，暫時唔會放棄做演員！」