蕭正楠以外的刺激 黃翠如不捨周柏豪
黃翠如、周柏豪昨日出席騰訊視頻香港國際影視展活動，二人為無綫與騰訊合作的劇集《使徒行者2》還有十日便拍完，柏豪指合作半年很不捨得大家。之前柏豪因婚事被揭而對身邊人失去信心，問柏豪會否對翠如失去信心？翠如聞言即搶答：「係佢令我失去信心呀！佢個樣咁靚、塊面咁細，我企喺佢隔籬好唔開心o架！」柏豪即說：「黃翠如係一個完全值得信任嘅人！」
不過，揚言知道柏豪「唔少嘢」的翠如亦說不捨得柏豪，問不怕男友蕭正楠呷醋？她說：「每套劇都會唔捨得對手……」此時柏豪寸她：「講緊蕭生呀？」翠如即笑說：「咁好呀！有多啲唔同嘅刺激，令佢人生開心啲！」新劇中她與洪永城有咀戲，蕭正楠表示想「以牙還牙」與唐詩詠拍咀戲，翠如聞言說：「我想睇呀！其實佢哋係我同洪永城嘅和事老，因為知道我哋成日鬧交。」至於袁偉豪有傳被藝人李施嬅力追，他不相信是真。
