歌手杜德偉（Alex）和張衞健（Dicky）曾與Tommy Page同台演出，Alex接受電話訪問時表示當年因同唱片公司，故有機會與Tommy到上海演唱，騷後更相約聚會：「一齊飲嘢、傾偈，印象中Tommy Page係一個好可愛、和藹可親嘅男仔，佢嚟自美國，所以我哋都有好多共同話題。」他望對方能安息，可覓得喜歡的世界。而Dicky亦大讚Tommy：「佢好靚仔、有型，年輕有為。」
另外，唱作人曾淑貞多年前曾任職唱片公司，因工作關係與Tommy成好友，她說：「雖然當時佢好紅，但絕冇大明星架子，我哋一班唱片業同事去玩，佢好鍾意食中國菜，仲對廣東話好有興趣，我教佢講『唔該』、『好好』同『聽唔明』等。」