林明禎女上男下壓住Babyjohn
馬來西亞「宅男女神」林明禎昨日微露小蠻腰，與蔡瀚億（Babyjohn）、錢小豪、邵音音及羅莽到旺角宣傳新片，飾演殭屍的明禎，戲中有女上男下壓在Babyjohn身上的情節，她說：「場戲講Babyjohn救我返屋企，我係殭屍，淨係識跳，一跌就趴喺佢身上，拍嗰陣唔尷尬，我好信佢。反而扮殭屍要好惡，大家覺得我惡起嚟似貓咪。」
Babyjohn則不怕老婆睇到他與明禎親密戲而呷醋，他說：「太太好信任，拍嘅時候唔尷尬，因為同明禎綵排過，反而排嗰陣有啲尷尬，不過明禎好信我！」
音音則自爆扮少女好過癮，她說：「套戲有個殭屍遊戲嘅少女角色，我好想配音，難得電影公司肯，希望大家多啲玩呢個遊戲，等我呢把少女聲陪住你哋！我呢個老人家第一次戴眼罩玩，好開心！」
_