千嬅教定囝囝湊B

育有一子丁進諾（Torres）的藝人楊千嬅，透露快將5歲的兒子恨要妹妹，成為她最大的推動力，昨日千嬅出席在香港體育學院舉行的慈善籌款活動，她與多名小孩在台上合照時，不時摸小孩的頭髮，母愛氾濫。千嬅直言恨生B：「好想，其實生一個先緊張，當你生一二三四個就唔會咁緊張，不過多小朋友都攰㗎，同埋有啲難。（幾時開工造人？）好似睇廠期咁？哈哈，過咗今年先，同老公都鍾意小朋友，睇上天，順其自然。（囝囝都恨有細佬妹？）久不久佢就問，一個人悶嘛！佢話一定要Sister（妹妹），依家我都教佢點照顧人，佢鍾意玩BB醫生玩具。」
千嬅與丁子高育有5歲囝囝，現打算生多個女做伴。
千嬅與丁子高育有5歲囝囝，現打算生多個女做伴。

睇戲要家長指引

提到近日迪士尼電影《美女與野獸》（Beauty and the Beast）出現首個同志角色引起家長關注，千嬅表示不清楚是否有同志情節，但認為電影宣傳要講清楚，讓入場觀眾知道，否則會有誤解：「我個仔仲細，未必明，佢淨係睇過嗰個真人扮嘅野獸，扮得好真，佢好驚，我覺得事前要講清楚情節，等大家可以準備PG（家長）指引，如果冇準備入到去先知就唔好。」

千嬅稱有向兒子灌輸性教育，教兒子尊重男性和女性，又重提早年因反對兒子喜歡《魔雪奇緣》公主Elsa而遭網民批評一事：「囝囝同我講佢鍾意Elsa，係因為鍾意藍色，Elsa着藍色裙。唔會因為一部迪士尼電影認識全世界，網絡影響仲大，我會教個仔價值觀，但將來條路由佢自己決定，總之唔好一年級讀四年級嘅書就得喇！」

千嬅不停摸小男孩的頭髮，原來恨再生B。
  • 千嬅不停摸小男孩的頭髮，原來恨再生B。
千嬅自細向兒子灌輸性教育。
  • 千嬅自細向兒子灌輸性教育。