吳業坤唔興買鹹書：上網好多知識
「宅男」吳業坤昨日與JW出席活動，提到日本有大叔被六噸鹹書壓死，坤坤即強調自己沒有買鹹書，但卻自爆：「我18歲時已經係網絡年代。」似乎暗示自己有睇過網上版，果然與時並進！
歌手吳業坤與JW（王灝兒）昨日以大使身份出席職安健活動，坤坤表示開心與JW一起參與活動，希望之後可與對方合作，搞笑的他說：「可以喺茫茫人海中相遇。（你女神周秀娜呢？）已經係過咗去嘅事情，依家向前望，忘記傷心回憶。（你哋都有拖手合唱過。）都開心過嘅。」而講到日本有男人被六噸鹹書壓死的新聞，問身為「宅男」的坤坤可有儲鹹書？他即說：「冇，我年代唔興買，我18歲時已經係網絡年代。」似默認有睇過網上版的他補鑊：「上網好多知識，不過大家要過濾，睇嗰會諗多咗嘢。」
開心劇集獲正評
坤坤又提到有份演出的無綫劇《迷》劇情開始進入直路，變得更緊湊，他出街亦收到很多正面評語：「播之前好驚會有負評，驚話我個頭核突，對白又講唔清，但結果冇收到負評，仲話我做戲好似好咗，所以好開心。」
講到JW最近不時與富貴男友Tarzan結伴入馬場，她表示去支持朋友，對於兩人不再低調拍拖，她謂：「因為都一齊咗一陣，全部穩定咗，可以舒服啲。（會諗定結婚？）大家都做嘢行先。」
JW撰文做愛情教主
JW亦透露近來開始在社交平台撰文，分享對愛情及男女相處之道的看法：「身邊好多朋友同我傾訴，但我冇寫佢哋個名，冇針對任何人。（寫你同男友嘅相處之道？）唔會。（男友有冇睇？）有呀，佢成日都Comment Good Essay。（乘機喺嗰度寫你對佢嘅不滿？）唔得，咁樣係落人面，我寫呢啲唔針對人，千祈唔好對號入座。」問到可想把文章結集成書？她說：「如果可以就好。（幾時出？）唔知呀，寫夠先，但最開心係好多朋友都話有追住睇。」
文：音樂組