王躍穎收埋新歡 避見父母
藝人王敏德（Michael）與太太馬詩慧（Janet）及一對仔女王曼喜、王躍穎，昨日以大使身份出席愛滋病慈善步行活動。Janet指平日甚少與仔女於家中討論有關話題，反而較關心他們感情問題：「呢樣貼身啲嘛！」談到囝囝早前被拍到有新歡，問到是否蜜運中？Michael聞言即謂：「佢唔畀我哋知，所以冇見過。」躍穎則害羞表示：「都係朋友仔，認識當中，追求緊啦！」
而王曼喜就透露目前單身，暫未有對象，專注工作：「我同一間酒店合作慈善project，慶祝3.8婦女節，到時會請10位不同界別、背景嘅本地女性講解自己點樣堅強，其中一個係媽咪，Daddy就幫手呼籲朋友捐錢，好開心已到咗個善款目標。」
至於同場的余安安就透露稍後要到廣州演出舞台劇，同時亦會擔任電影監製，有意找「女兒」薛凱琪參演。