肥媽自嘲師奶 與鼎爺古法冇得比
藝人肥媽、陸浩明及張曦雯等，昨日出席無綫節目《肥媽教落食平D》活動。談到李家鼎主持的《阿爺廚房》大受歡迎，肥媽會否怕被比較？肥媽說：「兩樣嘢嚟，冇得比。鼎爺講古法同刀工，你喺屋企食飯，阿媽會唔會喺條魚上面放多舊魚吖？」肥媽又自言師奶一名，坐月時忙湊小朋友又要吃飯，就用電飯煲搞掂兩餸一飯。
而前來偷師的張曦雯，透露平日煮簡單中菜多，媽媽將從芝加哥回港探訪，未來幾星期都有住家飯吃。談及她素顏出鏡直播打機，緊張關頭更爆粗顯真性情，獲封為女神，她說：「冇諗過會咁，我係鍾意打機，同細佬一齊打機大。」問到有否因而被遊戲商邀請做代言人？她說：「有傾過出event，但未有機會，但我都唔想咁商業化，唔想因為有人畀錢我打而打隻我唔鍾意嘅game，想冇壓力咁打！」
