陳豪畀李佳芯玩殘 額頭鑿賤字
藝人陳豪昨日以「港版霍金」造型為無綫新劇開工，於戲中沒有活動能力的他，慘被李佳芯蹂躪畫大花臉、彈耳仔兼於手指上作狀點火，認真慘情！不過陳豪表示演得很舒服，全程齋坐，故未有為此特別看相關電影取經。
陳豪、歐陽震華（Bobby）、張繼聰及李佳芯昨日為無綫新劇《誇世代》開工，三位男士率先於酒吧拍閒聊戲份，以「港版霍金」造型上陣的陳豪毋須講對白，全程齋坐睇書，原來好戲在後頭。另一場戲講述癱瘓的陳豪坐在車廂中，被不咬弦的李佳芯碰個正着，結果陳豪慘被她蹂躪，既於其額頭上寫上「賤」字、又喪抓其心口、彈耳珠兼於他手指上點火，最後被趕至的Bobby及阿聰喝停。
雖然鏡頭前陳豪無力反擊，但鏡頭後卻與眾人不停說笑，氣氛愉快，陳豪說：「角色係會有少少講我唔郁得嘅戲份，淨係坐喺度。（有冇睇霍金套戲取經？）唔使，演員係要有新鮮嘅框架去發揮，同埋又加入好多搞笑嘅情節，大家到時要睇吓。」對於劇中將要騷肌，他透露正努力舉鐵及打拳，但相信仍要一段時間才成事，問到太太陳茵媺可有為他度身訂造餐單？陳豪笑說：「又冇，佢要照顧三個小朋友夠晒忙，所以我自己顧自己。」
張繼聰日日歸心似箭
而首度演喜劇的佳芯則表示有難度：「我一路吸收緊點演，呢場戲係我要主導個節奏，終於明白到啲人話喜劇唔易做，不過陳豪都好好，對戲時會一齊研究點會好啲。」對於「是非精」成員麥美恩被爆撻着主播許文軒，佳芯力撐好友：「拍拖唔出奇，佢都好多人追，支持佢。」
至於阿聰就透露太太謝安琪在家中待產，更以飛船形容太太的巨肚：「月尾就生，依家每日收工都歸心似箭，劇組都好好，話有咩風吹草動我可以即閃，但我星期一就要去上海拍戲一星期，太太13號生日陪唔到佢，好在收到風佢已經有朋友約，等我都冇咁內疚。」
文：影視組