「契姨媽」筱靖幫補奶粉錢
筱靖是趙哲妤（Uny）囡囡Natalie的契姨媽，她趁有假期專程飛到馬來西亞接兩母女返港，可謂有情有義。筱靖指今次「任務」是將Natalie平安帶返港，心情很緊張，始終BB女只得兩個多月，故上機前準備不少嬰兒用品，如奶粉、尿布、玩具等，好等在機上B女喊的時候可大派用場。
提到Uny將重投工作開始要搵奶粉錢，問筱靖可會幫一把協助接洽工作？她受訪時說：「大家都係好姊妹，梗係會幫！我早排已經不停搵啲朋友，搵啱Uny嘅工作，或者我自己啲騷都會問老闆可唔可以（搵佢）一齊做，希望爭取高啲價錢。（做契姨媽有啲咩表示？）會資助BB女嘅奶粉錢，盡啲綿力，等Uny唔使咁慌！」
