陶枳樽教Gym睇盡真面目
藝人陶枳樽（Crz）去年考獲高級私人健身教練牌，可以單對單教學，問到「美女教練」會否特別吸引男客人報名？事實卻是女客人居多！Crz笑說：「我主要係教女仔，因為做Gym一般都唔化妝，素顏上陣好Casual，做完成身汗咁，運動完畢係最放鬆嘅時候，要『真面目』見人喎，都係搵番女教練好啲！男仔嘅心態都一樣，都係貪靚嘅！」
問到為何有興趣考健身教練牌？Crz說：「其實我想考好多年o架嘞，自己成日去做健身，但有啲動作始終做得唔正確，咁就諗不如考番個牌。因為考牌前要讀個課程，同埋要做體能測試，咁就可以清楚晒，而且有牌仲可以教人，我有教開人跳舞，所以教人健身我都OK o架！」
父女輪流踩單車
好學不倦的Crz近日再報讀綜合肌筋膜放鬆法，對緊張的都市人很有用，她說：「做運動除咗可以減肥，其實仲有健體功效，我喺屋企都會做運動，有部單車機，爸爸都好鍾意踩，我哋會輪流踩，有時一邊踩一邊講電話，時間好快過，唔覺得辛苦。（做咁多運動唔使節食啦？）都要往不o架，不過我好為食，盡量少食多餐。」
場地：FFG Mongkok Center
文：名人組