趙海珠畀人爆粗鬧
前新聞主播趙海珠、盧海鵬及林建明等昨日於灣仔出席奇妙電視節目《放試》記招，趙海珠透露於節目中扮演麵檔侍應，期間被食客爆粗責罵：「我扮侍應測試食客耐性。（被爆粗？）係！兩個大男人好趕時間，我要畀錯麵佢哋。」談到電影《美女與野獸》被指有同性戀元素，問她會否帶兒子觀看該電影？她稱未知具體劇情，但自認是一位開明家長：「我唔知劇情，我哋唔可以抵制其他人對性別嘅喜好，我唔會避而唔提。」
至於擔任嘉賓的林建明則稱與主持盧海鵬甚有火花，她笑指對方經常黑口黑面：「佢成日鬧呢樣鬧嗰樣，畀佢嚇親！」而「試咪」試到出晒名的盧海鵬說：「（試咪）梗係黑口黑面，唔通笑住講？你嚟撐我節目，唔係撐我個樣呀！」他受訪時透露在節目中到訪的士台試咪：「扮人做Call台嗌車。（有冇司機認得你把聲？）初初唔認得，認得都唔信，佢哋唔敢出聲。」