白雪仙搬唐滌生戲寶上舞台 陳寶珠演出壓力大

一眾演員昨午雲集銅鑼灣首次見面及圍讀，身為「主帥」的白雪仙亦有現身，明年將踏入90歲的她回應記者提問時盡顯風趣一面。談到為何揀選演出《蝶》劇，白雪仙說：「啱做咪做囉。（覺得寶珠佢哋演得好？）希望啦！（你要求高？）個個人都要求高啦！唔通要求低咩？（今次演出因為紀念唐滌生冥壽？）我何時何日都紀念住佢嘅。佢對粵劇界影響深遠，佢寫劇本唔係簡單一句說話，而係用好靚嘅比喻講出嚟，又帶動到下句曲詞，呢啲係佢絕招。」對於唐滌生的功力，白雪仙認為後無來者：「依家有冇1/4個唐滌生咁嘅劇本吖？你哋（記者）幫手諗，希望諗到，咁就對粵劇界好有幫助喇！」至於陳寶珠表示今次演出壓力大，要多花時間練習，她直言不會加場。