黃宗澤鬧蕭正楠思想污穢

無綫劇集《溏心風暴3》演員黃宗澤、黃翠如、王浩信、岑麗香、李司棋、夏雨、米雪和關菊英昨日在荃灣一間茶餐廳舉行記者會，眾演員親手炮製奶油豬和沖奶茶比試一番。最近黃宗澤患上腸胃炎但仍不忘操肌，卻被蕭正楠在網上留言取笑：「咇咗出嚟就唔好。」消瘦不少的黃宗澤指現時肚子仍不適，他對翠如「問罪」笑說：「叫你啲家人（指其男友蕭正楠）思想唔好咁污穢，成日都諗埋啲屎屎尿尿。」翠如笑說：「收到、收到，唔關我事嘅。」

拍拖唔拖手被揶揄

黃宗澤與翠如在劇中由兄弟情開始，但劇情暫時未見有咀戲，翠如笑說：「有場戲我喺屋企着得好性感，但佢就無視我。」兩人曾在《幕後玩家》拍過激咀戲，問蕭正楠會否較放心？黃宗澤說：「佢兩個私下係點我就唔知，我哋四個張繼聰、蕭正楠、翠如就好似兄弟咁玩，成日互窒，其實我哋三條仔阿聰、阿蕭仲親密過佢哋（指黃翠如、蕭正楠）。」翠如說：「佢當我係仔，我哋出街唔拖手。」黃宗澤笑問：「咁拍拖做啲乜？」翠如說：「淨係傾偈囉，你哋真係好冤氣。」

李司棋（左起）、夏雨、關菊英和米雪幾位好戲之人再過戲癮。	阮兆祥和陳敏之炮製奶油豬。	岑麗香面對眾多前輩大感壓力，要王浩信為她加油。

王浩信為香香加油

岑麗香則感受到與眾前輩合作的壓力，王浩信還成為她的信心加油站，王浩信說：「佢成日懷疑自己做得唔好、冇自信，我同佢講將自己最好一面做出嚟就得。」香香則說：「因為啱啱開始，自己都要摸索角色，唔知做得啱唔啱。」

王浩信和香香劇中親熱場面不多，問老公強強可接受她拍親熱戲？香香說：「呢個係我嘅工作，如果要拍親熱戲都會預先溝通，同埋都係睇劇情需要。」王浩信則指在茶餐廳拍攝比起平時開工食飯盒好得多，但亦因此增磅。

文：影視組