林家棟惠英紅導演會稱帝封后

林家棟、惠英紅、劉嘉玲、甄子丹夫婦、楊千嬅與周秀娜等昨晚出席「2017香港電影導演會春茗」，導演會頒發多個獎項，結果《樹大招風》奪最佳電影，最佳男主角是林家棟，最佳女主角為惠英紅，最佳導演由《美人魚》周星馳及《七月與安生》的曾國祥奪得，而當資深藝人許冠文獲頒榮譽大獎時，全場起立歡呼，而曾國祥奪獎後被起哄與女友王敏奕錫面四次晒恩愛。

花了30年才到

林家棟與惠英紅領獎時都一度眼濕濕，但為搞氣氛，二人致詞時都發揮幽默，惠英紅笑言入行40年半，都沒有導演讚過她，現於此得獎，就當全場導演「兜口兜面」讚了她；而林家棟上台領獎時則笑說：「自己畀小紅姐好，因為好多導演會提起我……鬧我。」帝后齊發功，引來不少笑聲。而林家棟於台上感觸表示花了30年才拿到最佳男主角，他在台下仍激動，要待情緒較平復才能受訪，他說：「Sorry，因為有好多畫面出咗嚟，咁多年拍戲好多犯錯，會好在意人哋點睇，好開心今日能夠由咁多導演選出嚟成為最佳男演員，真係冇諗過，頭先見到Michael（許冠文）上台，好感觸，因為佢都四十年，我與有榮焉（指一同在導演會獲獎）。」

惠英紅	甄子丹恭賀出爐影后惠英紅。	劉嘉玲晒靚腿擔任頒獎嘉賓。

等李添勝鼓勵

而惠英紅受訪時坦承入行以來一直鬱在心中，就是欠缺人家當面稱讚：「每次我都問李添勝點解唔讚我？我覺得自己做得好好，一直鬱喺裏面，心有條刺，今次（攞獎）當佢哋一次過讚我！我好介意導演讚唔讚，因為導演係一套戲嘅領導，導演讚，我心情曉飛啦！有次見到添哥，都特登問番佢當年點解唔讚我？佢話得（o架）啦！其實，鼓勵真係好重要！」

許冠文奪獎時搞笑說：「好彩個獎唔係叫『終生』成就獎，唔係就真係蓋棺喇！」

楊千嬅晒肩出席盛會。

而頒獎嘉賓劉嘉玲接受訪問時透露將會忙拍戲：「嚟緊會拍三部電影，包括《狄仁傑》第三集。」而同場的楊千嬅對有指她在囝囝面試國際學校表現緊張，她否認：「似乎係爆料嘅家長緊張過我哋，當時我唔係緊張，撳電話係為公事。」

文：影視組