葛民輝全裸潑墨慳番服裝費

藝人葛民輝（阿葛）前晚於佐敦為o靚模梁晶晶（Bonnie）主持的網上頻道節目擔任嘉賓。首次任主持的Bonnie早年曾邀請阿葛為其寫真「全裸潑墨」封面操刀，二人因而結緣。阿葛重提此事時爆出當時於「零預算」下進行：「當時佢哋搵我影Cover，但冇budget。於是我諗冇budget，即係冇衫啦！所以就淋黑佢，一黑遮三醜！」至於曾拍攝全裸寫真的Bonnie被問到會否接受全裸演出？她說：「拍電影都OK，睇劇本。（如果拍到電影《色，戒》的尺度？）梗係得啦，好多時候唔係講錢，係講經驗同得着。」