王敏奕做咗人女友都唔知？！

藝人王敏奕（Venus）、「小林依晨」貝依霖（Chantale）及網絡紅人杜小喬參演新片《初戀日記：賤男蜜擾》，戲中Venus因受情傷，由純情小女孩變成愛情導師。

杜小喬惋惜八年情

談起初戀，Venus自爆在「懵盛盛」的情況下發生：「我都唔知呀，嗰陣唔識拍拖，佢好多女仔埋身，個個都覺得我係佢女朋友咁囉。」杜小喬自爆初戀拍足8年，整個中學階段都只有這個男友，當時以為對方就是真命天子，但升上大學後卻因價值觀不同而分手，令她覺得可惜。Chantale的初戀則遇上比她大10年的男士，二人只拍拖1年，但分手後她足足花了4年時間才能放下感情。

貝依霖無辜做小三

戲中Venus被Chantale硬搶男友，現實中二人亦遇過小三入宮，當中Chantale更無辜變成第三者：「試過同男友拍拖7個月，分手之後先知對方有一個女朋友拍咗拖四年！我哋仲要係同居o架，知道嗰刻好震撼！」Venus當年的男友就向她坦白愛上別人，她最後選擇分手，但即使感情路上受盡傷害，三人亦不會做第三者。

杜小喬初戀拍足8年，可惜最後都係無疾而終。

三人都曾受情傷，表示堅決不會做第三者。

專心工作未打算結婚

現與曾國祥拍拖兩年多的Venus暫未有結婚打算，她說：「感情穩定就可以專心工作，大家事業啱啱起步，想拚搏多幾年先諗結婚。」提起男友執導的作品獲今屆金像獎多項提名，Venus被問對方有否答應她若得獎會給予承諾，例如結婚？她說：「攞獎先算啦，希望大家繼續互相扶持。」

杜小喬化妝：Alex Yiu

髮型：Vincent So.

服裝：Sport b

王敏奕化妝：Onetung Ma

髮型：Eas Fu

服裝：Snidel

文：影視組