黃智賢執麥包二攤:好難受

藝人黃智賢昨日現身電台受訪,講到無綫劇《親親我好媽》本周大結局,問到如果收視達3字頭可會穿泳褲?他笑言:「我係有,但着嗰個係江美儀,我買一套送畀佢,我就負責睇。」談到劇集很大回響,他稱很感恩:「好少啱一家大細睇,又有共鳴,我都想拍多啲正能量嘅劇,自己同觀眾都有得着。」問他可有計劃生BB?他說:「壓力太大,我哋寧願做個瀟灑嘅人,過二人世界自由啲。」

講到其角色本來由麥長青(麥包)飾演,後來由他執二攤演出,身為麥包好兄弟的黃智賢說:「開拍前一個月知道要拍呢套劇,我都係後尾先知之前cast麥包,作為演員好難受,我自己都試過。」他有點哽咽表示見到麥包現時離開TVB後有更好發展,他感到很安慰:「過年同佢食飯我都有攬住佢,作為朋友好安樂。」