祥嫂靈堂數兆尊 一拖三晒命為博返娛圈

祥嫂話啲仔從來冇爭過產，係自己一個人衰。

然後祥嫂突然聲淚俱下激動地說：「兆尊今日出嚟承認，佢係有苦衷，佢想入番娛樂圈呀，唔知係邊個蠶蟲師爺度條咁嘅橋，叫佢一拖一、一拖三咁出嚟，咁樣搞，唔好咁啦兆尊，啲男仔睇到你都會話你晒命。」

祥嫂接着說：「仔，呢個係身體健康嘅象徵，最緊要唔好畀啲女人囉囉唆唆，唔怕，你有幾多個，媽咪都繼續支持，最緊要你應付得嚟！仔，你唔好怕，你返出嚟（娛樂圈）啦！」

祥嫂停一停又說：「我要講得好得體，亦要講事實。佢想返娛樂圈……留一點情面畀新馬仔，佢做咁多好事，幫盡咁多人，亦都等如幫我祥嫂。」她突然又激動提高聲調：「我啲仔從來冇爭過產，唔曳嘅，係我一個人衰！該死嘅唔死，（指向靈堂）後生嘅死咗！生命好脆弱，自己都唔及當年，唔好為我難過，呢樣嘢我19年來冇講過，係為咗顧全大局，依家先講番！」話畢，祥嫂回到靈堂。事後記者聯絡鄧兆尊，他表示身在內地暫不回應。

• 祥嫂激動到要黃夏蕙及契女扶實。