苟芸慧甜絲絲默認戀陸漢洋

藝人苟芸慧（苟姑娘）昨日出席美容活動，近日重拾狀態的她以全黑造型現身。提到早前緋聞男友陸漢洋被拍到接送她，苟姑娘甜絲絲說：「當日我有啲唔舒服，好sweet咁有人問我喺邊，順便喺我病嘅時候Take care（照顧）我，係好warm（溫暖）嘅。（佢係你專屬柴可夫？）係嘅，（依家關係係咩？係咪情人？）想留畀佢答，雖然佢低調，但都會出嚟見人嘅，我想尊重番佢，但好多謝佢情人節畀咗驚喜晚餐我，夾好晒啲朋友，好sweet，佢係個細心、幾啱嘅人。」似乎苟姑娘已默認戀情。