合桃補轉數 蔡思貝內外夾攻

蔡思貝將與轉數快的張衞健拍劇，笑言要狂食合桃補腦。

王浩信被女詐型

問浩信慶功宴是否他請客？他說：「我、蔡思貝、李佳芯、朱千雪四個夾份，原本朱千雪話佢請，我話唔好，你仲係學生階段，等讀完書先啦！」將忙拍《溏心風暴3》的浩信直言少了時間陪囡囡：「頭先出門口都畀個女詐型話又出去，同佢講出去慶功佢都體諒，佢每次喺電視見到我都好雀躍，依家都上緊戲劇班學英文，大個啲都會帶佢開工睇吓。」將開拍新劇《誇世代》的李佳芯首度漂染淺色頭髮，與最叻爆肚的歐陽震華合作：「我都想見識吓『焗蟹』（忍笑），我期待『焗蟹』，哈哈。」而高層杜之克與曾勵珍亦到場支持，杜之克透露新劇有機會在內地同步播出，曾勵珍笑說：「咁收視咪億億聲。」

• 蔡思貝（左起）、朱千雪、李佳芯、王浩信及張振朗拍《踩過界》合作愉快。