王敏奕被男友鼓勵拍露點戲

藝人王敏奕（Venus）、馬志威等，前晚出席新片《初戀日記：賤男蜜擾》首映禮。以藍色通花、透黑Bra長裙示人的Venus，坦言性感毋須問過男友曾國祥意見：「佢唔喺香港，連message我叫我加油都冇，我唔得閒理佢！（影咗呢身打扮畀佢過目？）冇呢個習慣。我成日同男友講，如果有套《色,戒》搵我演湯唯，我拍唔拍？佢話：『拍！』（要露點喎！）佢話有好劇本，佢唔會出聲，會明白喎！我就要睇過唔過到自己嗰關，要同公司商量。（男友要做梁朝偉個角色？）有得畀佢做梁朝偉，佢唔理邊個做湯唯都演啦！」