荷里活著名女星安祖蓮娜祖莉（Angelina Jolie）與影星老公畢彼特（Brad Pitt）搞離婚至今將近半年，雙方一直封口沒有公開談論。日前與六名子女身在柬埔寨宣傳導演新作的安祖蓮娜接受英國廣播公司（BBC）訪問時，「開金口」首談離婚一事！
在柬埔寨宣傳紀錄片《First They Killed My Father》的安祖蓮娜在BBC的《世界新聞》節目中被主持問：「你部戲係講家人同埋失去嘅嘢，而我明白呢個係一個敏感嘅問題，我哋知道有事情發生而導致你哋分開，而我哋亦知道你從未有對此發表過言論，你有冇嘢想講？」
一臉嚴肅的安祖蓮娜即深呼吸然後想了一會便含淚回應：「我唔想對嗰樣嘢（導致離婚的事件）講得太多，不過想講就係那個時候係非常困難嘅時期。我嘅重點係我嘅仔女，我哋嘅仔女。而我哋係一家人，我哋永遠都係，我哋今次會一同渡過難關，並希望成為一個更堅強嘅家庭。」被主持問到如何面對難關？現年41歲的安祖蓮娜指其實有好多人面對的處境都與她們一樣，她與家人都經歷過艱難的時期，她目前焦點放在子女身上，並會專注搵出一條出路，可以令她們更強更親密。
此外，安祖蓮娜提及目前與六名子女共處的情況，她笑指過去幾個月的確困難，目前她要經歷所有子女都擠在她房間內，再加上兩隻狗及兩隻倉鼠。她說：「通常嘅情況下，我醒咗之後都會去睇吓邊個（子女）去放狗，邊個去準備煮熱煎餅同睇吓佢哋有冇去刷牙。」
另一方面，美國有娛樂網站繼續重提畢佬拍電影《伴諜同盟》（Allied）時撻着法國女星拍檔瑪莉安歌迪雅（Marion Cotillard）的舊傳聞，報道指雖然已隔了一段時間，但安祖蓮娜仍對此「嬲到癲」！
文：外娛組