黃婉曼認有喜脹爆食唔停
32歲前天氣女郎黃婉曼（Icy）2014年底下嫁會計師兼馬主馮柏基後，即不設防努力造人。被拍到肚凸凸的Icy前日接受電話訪問時已難掩喜悅，默認有喜。昨日她再次受訪，終承認現時懷孕差不多三個月：「其實傳統上係未講得，不過既然被大家睇到，我好多謝大家嘅祝福，我本身係連親戚、朋友都未講，依家當係一次過公布。」
問到BB性別？Icy坦言未知：「冇咁早知道性別。（想生仔定女？）其實我係偏心啲，我鍾意男仔，老公就鍾意囡囡，不過有咗之後都冇諗咁多，覺得隨緣，BB健康就得。」並指醫生仍未告知預產期，亦未決定自然分娩還是剖腹生產。她又自爆食唔停：「因為我一肚餓就想嘔，所以要食嘢，我依家除咗唔食生冷嘢，乜都食。（肥咗幾多？）肥到全部衫都唔啱着，我係脹得快，孕味濃。」
