張繼聰做「韋小寶」唔使剝！
張繼聰於《誇》劇除了有「正印」邵美琪外，還周旋於「尚家七姊妹」包括龔嘉欣、莊思敏、譚凱琪、鄧佩儀及李佳芯等，可謂艷福無邊，難怪他自言似足韋小寶！問到今次可要剝衫晒肌，阿聰說：「今次唔使，但都要練大隻，起碼要增十磅，搞到啲登台衫要改，畀同事投訴！我諗我都脫離唔到『艷星』嘅行列！」
阿聰自誇似足韋小寶，龔嘉欣接受電話訪問笑說：「佢話乜咪乜囉！最緊要佢開心。其實我都要周旋喺佢、胡鴻鈞同森美當中。我向監製提議畀多啲對手戲我同阿聰，同佢合作好過到戲癮！森美就同我喺電影扮過男、女朋友，咁多年之後見番好得意。（同阿聰有親熱戲？）有浪漫場面！其他未知，但我諗三個點都中一個！」
